فنانة مصرية شابة تعتزل الغناء على خطى أدهم نابلسي

فجّرت الفنانة المصرية زيزي عادل مفاجأة باعلانها اعتزال الغناء كلياً "تقرباً إلى الله"، على خطى المطرب الأردني أدهم نابلسي الذي سبقها إلى الخطوة عينها قبل أشهر قليلة.

وأكّدت في فيديو نشرته عبر "إنستغرام" أن القرار اتخذته بعد فترة طويلة من التفكير، من اجل الابتعاد عن الشهرة التي وصفتها بـ"أكبر مغريات الحياة"، طالبة من جمهورها الدعاء لها في هدفها المقبل بارتداء الحجاب.

وقالت: "طالعة أقول خبر مهم في حياتي وأهم وأحلى خبر في حياتي وهو اعتزالي الغناء، والقرار لم آخذه من أمس بل من فترة كبيرة جداً ولم أخرج أقوله لأني كنت أحب أن أتكلم مع نفسي والقريبين مني في هذا الموضوع وشجعوني جداً على فعل ذلك، وأبعد عن أكثر شيء مغرٍ في الدنيا وهو الشهرة".

وأضافت: "الفترة اللي فاتت قربت من ربنا جدا، ولقيت القرآن بيقولي إني لازم أكون ملتزمة، لازم أكون على قد ما أقدر أكون ملتزمة، ويمكن تكون مستغربين، إني طالعة بشعري ومش محجبة، ده لإن ربنا لسه ما أنعمش عليه بخطوة الحجاب، وبدعي ربنا إني ألبس الحجاب، وكل حاجة بتيجي خطوة خطوة، مفيش حاجة بتيجي مرة واحدة، فأنا خدت خطوة وإن شاء الله تيجي الخطوة اللي بعدها".

وتابعت: "عايز أقولكوا كمان إني بالنسبة للفن هو مصدر دخلي، أنا سبت حاجة بعيش منها، ولكن أنا سبت ده وعارفة إن ربنا هيرزقني، ربنا مبينساش حد، فسايبه ده على ربنا، ومعنديش مشكلة، بالعكس راضية جدا على القرار اللي أنا أخدته ومبسوطة بيه جدا، وحابه اللي جاي من حياتي، ويمكن بعد ما أخدت القرار ده، تعرضت لمواقف اختبار من ربنا، ولما سألت أهل العلم أفتوني بكده، وكنت محطوطة تحت ضغط أوافق أو ما أوافقش، والاختبار كان بالنسبالي صعب شوية، خصوصا إن البني آدم ضعيف، ويمكن العرض اللي جالي مجاليش وأنا بمارس المهنة، والحمد لله قدرت أقف بدعم من الناس اللي حواليا".

واختتمت زيزي عادل بقولها: "مش عايزة أخش في حتة الفن حلال والفن حرام، عشان مبقاش طالعة بتكلم كإني داعية، أنا طالعة أتكلم كزيزي، وطالعة أقول إني بطلعت أغني، لإني مش صح، وديني بيقول كده، وأنا حابة إني أموت وربنا راضي عني، وكلنا نمتنى حاجة زي دي، وعايزة أموت اكون مستعدة لمقابلة ربنا، وأكون راضية عن نفسي وعن حياتي وعن شخصي وعن أفعالي، والحمد لله التزمت، وقربت من ربنا طبعا بطريقة كويسة، وربنا يكرم والتزم أكتر وأكتر، وعايزاكم تدعولي ربنا يثبتني".

المصدر: النهار العربي