تامر حسني يخرج عن صمته ويوجه رسالة عتب إلى زوجته!

بعد أن ضجّت مواقع التواصل الإجتماعي بخبر انفصال بسمة بوسيل عن زوجها الفنان تامر حسني بعد إعلانها ذلك عبر حسابها على إنستغرام، خرج تامر عن صمته ليُعلّق على ذلك.

تامر وجه رسالة عتاب لزوجته عبر خاصية الستوري قال فيها:

“بسمة حببتي للأسف انتي مفكرتيش كويس وسلمتي ودنك لشر السوشيال ميديا عشان كان تعليق كلامهم فارغ نسوكي إنك عرفتيني وأنا مشهور ودي طبيعة شغلي الي عرفتيني عليها وحبيبتني بيها، أزاي وصلوكي للزعل والبعد فترة.. المهم أنا مش هزعل منك ولا يرضيني زعلك انتي حبيبتي وأم ولادي.. أنا ضهرك وسندك مهما حصل، بس اللي عايز أقوله لعل نكون سبب خير في توعية ناس كتير”.

وتابع :

“ليه لما أي حد بيزعل من حد بيطلع يكتب عليه في السوشيال ميديا طب حتي يكلمه الأول إيه علاقة الناس بعلاقة شخصية بين اتنين ممكن تتحل في التليفون أو في زيارة رحيمة ما بينهم وياريتها مشكلة أصلا.. ربنا جعل ما بينا مودة ورحمة عشان كدا للأسف انتي عرفتي إن في ناس في طبيعتهم حب خراب البيوت ومش هنخلص منهم بس إنتي اللي هتخلصي من فكرة إنك تسمعيهم”.

وختم :

“ياريتك تركزي مع طاقة الناس اللي دعولنا ودعوا لولادنا وفعلا أنا بشكر كل الناس والفنانين اللى سعوا في الخير لينا.. وأنا واثق انك دلوقتي زعلانة انك كتبتي كدة.. هو تصرف متهور منك بس ولا يهمك مش عيب إن الانسان يغلط ويتعلم وأنا ياما علمتك ولسة هعلمك كان نفسي الكلام ده يكون بينا لكن انتي اشركتي الجمهور الكريم فكام لازم ارد هنا.. وبينا حب عالي وحياة كريمة وأولادنا و بيتنا أغلي ما فيها ربنا يخلينا ليهم ويخليهم لينا يارب.. متهورة بس بحبك”.

يُذكر انّ بسمة كانت قد أعلنت أنهما يُحضرا أوراق الطلاق منذ فترة كاشفة عن انزعاجها من فيديوهات تامر مع معجباته التي تصل إليها.