نانسي عجرم تستنكر قرار الحكومة: "على أي أساس هالقرارات عم بتكون؟"

إنّ الفنانة نانسي عجرم مقلّة، عموماً، في إطلاق التغريدات والآراء عبر مواقع التواصل الاجتماعي، المتعلّقة بالوضع السياسي أو الاجتماعي أو الاقتصادي، إلا أنها خرجت أخيراً عن صمتها بسلسلة تغريدات جاءت بعد إصدار الحكومة قراراً بالإقفال العام لمدة أربعة أيام، إبتداءً من مساء الأربعاء، وذلك بعد ارتفاع حصيلة المصابين بفيروس كورونا في الأيام الأخيرة.

وكتبت عجرم في تغريدتها الأولى مستنكرة قرار الحكومة: "بالنسبة للإقفال العام ورفع حظر التجول، ممكن نعرف على أي أساس هالقرارات عم بتكون؟ يعني يومين زحمة وناس بالشوارع والمحال التجارية وكتار غير ملتزمين بالتدابير الوقائية و4 أيام تسكير وين الفايدة؟".

وأضافت في تغريدة أخرى على "تويتر": "لبنان وصل لمرحلة من بعدا صارت صعبة كتير نرجع لو حتى متل ما كنا.. يمكن كان الأجدر إصدار قرار بيلزُم كل الناس احترام التدابير الوقائية (فرض الكمامات وغيرها من أساليب الحماية) من دون شلّ البلد، على إن يوم نفتح من دون رقابة و10 لأ".

وتابعت عجرم متحدثة عن الوضع الاقتصادي الخطِر: "الفقر والجوع وكل الظروف الصعبة اللي صارت مفروضة فرض عالشعب مين بيتحمل مسؤوليتها؟؟ الناس اللي عم بتموت من الجوع كيف بتكمّل؟؟ منفتح يومين من دون رقابة وبعد الكارثة منسكر، واللي عم بموت من الجوع والفقر ومجبور يشتغل تيعيش ويعيِّش عايلته شو بيعمل؟".